طبعا عنوان مش تقليدى بالمرة
لكن حاولت يكون دمى خفيف ولو ان الايام دى حاسة انى مهما عملت دمى يلطش
نهايته
انا بقالى فترة كدا عرق الوطنية ناقح عليا وهموت واسافر اشوف اهلى وكل ما اشوف علم سوريا اعيط واكتئب واحس بالغم
تفتكروا ليه بعد كل السنين دى ممكن افتكر ان ليا بلد واهل موجودين فيها وانى مروحتهاش من سنين
يمكن لما ضغوط الدنيا بتكتر بنبتدى نحس ان مخرجنا هو اننا نرجع لاصلنا
ولا انا اتخنقت من هنا وعقلى الباطن مصورلى ان هناك هو الخلاص
ماهو هنا بلدى بردو
وفيها جزء من اهلى واقرب الناس ليا
وكمان اتربيت فيها وكبرت على ارضها وشربت من نيلها وجالى مغص ونزلة معوية من اكلها ونزلة شعبية من هواها و100 فل واربعتاشر
يمكن لانى اصطدمت هنا بشخصيات قميئة لدرجة انى عايزة اسيبهالهم مخضرة؟
مش عارفة عموما
بس اللى بانصح بيه كل الناس دايما انهم ميتجوزوش من برا بلدهم
عشان ولادهم ميطلعوش معقدين ومجانين زيى كدا
يلا اشوفكوا بعدين
1 comment:
شط اسكندرية يا شط الهوا :P
خيانة :P
Post a Comment