Sunday, November 7, 2010

فضفضة

ليه الندالة بقت فى دم الناس كلها - الا ما رحم ربى - بالطريقة دى؟
سؤال بجد مدايقنى جدا
ليه تبقوا صحاب وعدد انفاسكم معلوم لكل واحد فيكم على حدى ومع ذلك تتعب ميسألش عليك؟
ليه الناس تبقى مقصرة وغلطانة وتتهرب منك وترفض حتى تتكلم معاك ؟
ليه العشرة بقت تهون على الناس بشكل مستفز؟
ليه اقرب صحابك ممكن يبيعك بمنتهى السلاسة؟
زمان كان فيه حاجة اسمها اخوة وصداقة وعشرة وعيش وملح
حاليا الكلام دا بقى من التراث بمعنى الكلمة
بجد ربنا يهدى الناس
فيه حاجة كمان عشان ابقى قلت كل اللى نفسى فيه
ليه الناس بقت منافقة النفاق دا
يعنى ممكن يندل معاك ويستهبل ويقاطعك من غير سبب وتلاقيه بيكتب عن الاخلاق والجدعنه وكل الكلام دا
حد يقولى ليه بليز
امضاء
واحدة من كتر ما شافت ندالة مبقتش بتثق فى حد