Wednesday, May 21, 2008

صمت

هى/ مالك؟
انا/ ماليش
بداخلى الم يعتصرنى اخبئه عنها
.
.
.
لا تحتمل هى رؤيتى هكذا فاحمل حالى الى غرفتى واكوم نفسى بداخلها ثم اعيد ترتيبها امام الكمبيوتر علّنى اتناسى قليلا
.
.
.
هو/ مالك
أنا / مخنوقة
هو / فيه ايه
أنا /مفيش عادى ضغط المذاكرة
هو / احنا اتفقنا مش نخبى
أنا / مقدرش اخبى
^
^
^
^
^
وكلام كثير
واصبح افضل وافضل
ثم تهاجمنى الهموم مرة اخرى
ولكنى الآن لا اعرف ان سألنى هو كيف سأجيب
.
.
.
هو / مش تقولى كدا عشان انتى عارفة انى سلفى
انا /أنا مش اعرف انك سلفى انت مش قلت كدا
هو / متقوليش مسلم زيك قولى مسلم زيى
أنا / ثانك يو :)
.
.
.
يتهموك احيانا بالجنون
بالتضليل
بأى شىء
ولكن حينما بفعلها اقربهم اليك ويتهمك بالكذب والنفاق بل ويشكك فى اشياء عدة فتكون هذه موجعة بشكل لا استطيع وصفه
نبكى فيبلل الدمع وجناتنا ونحن نكتب فتظهر كلماتنا مشبعة بالدموع تكاد تتشقق من فرط تشبعها بالماء وكأننا نتعمد اغراقها فى مهدها بلا ذنب او جريمة
وحينها
يكون الصمت
أفضل
^_^

28 comments:

prince4ever said...

بجد اسلوب رائع جدا و احساس متميز فعلا...مدونه تستحق المتابعه بالفعل...بجد ربنا يوفقك وتستمري على نفس السيستم...بالمناسبه انا عندي بلوج يا ريت تشرفيني بزيارتك..سلام

HANY YASSIN said...

الاخت ظل الشمس
بجد اسلوب فى منتهى الروعة
من اجمل المدونات التى رأيتها بلا مجاملة
ننتظر منك الافضل دوماً
دمتم بكل ود
خالص تحياتى
هانى يس

mostafarayan said...

والله عندك حق احيان كتير بيكون الصمت افضل
تحياتي لهذا البوست الجميل

الفارس الملثم said...

احيانا لا نمتلك غير الصمت امام اسئله بلا اجوبه ..او عندما تكون اجاباتنا وكلامنا مؤلم لمن نعرفهم ..

لكن الصمت احساس قاتل واحيانا لا نجد دواء له غير ان نهذي سواء اعتبره الاخرون حكمه او جنون

بعض اجزاء البوست مازالت مبهه لي وتحمل كثير من الحكمه وكثير من الهذيان

تحياتي يا شهد وربنا يوفقك في الامتحانات

محمد

Anonymous said...

ينفع حد يحب حد من كلامه
لو ينفع يبقى انا الحد دا ولو انى متأكد انه ينفع والا مكانش نفع معايا
ياريت النت يكون عالم حقيقى عشان اقدر اشوف الناس اللى بتكتب من ورا شاشة ومش شايفها ورغم كدا بنحبها امال لو شوفناها هايحصل ايه
مش مستنى رد ومش عارف انا كتبت دا ليه وازاى
عموما اعذرينى

funckydoctor said...

أدميتى قلبى
لنا الله

ghoneem said...

اهلاً بيكي

أسلوب جميل وطريقة تعبيرك عالية أوي
ووصلتي في النهاية لأجابة شافية ووافية
الصمت ...وما أجمل الصمت

أحييكي

بالتوفيق.........

Whispers just for a Night said...

موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

25/05/2008

MR.Fox said...

جميلة جدا يا شهد ......
و عايز اقوللك حاجة .. طبعا انا رغاي على الفاضي و انتي عارفة ....

بس برضة هاقول .. الكيبورد بتاعي و النت مش بتاع الحكومة و مزاجي اكتب ....

ابن ادم بطبيعته خطاء ده نمبر وان و نمبر تو ان خير الخطائين التوابين بل وخير العباد التوابين كمان .... طبعا عارف ان السماح صعب و صدقيني صعب جدا في احيان اخرى ... بس برضة ممكن الواحد يسامح مش عشان اللي بيعتذرله ... لا عشان لما يغلط في حد تاني و في يوم تاني و في مكان تاني .... يلاقي اللي يسامحه كله سلف و دين ....

و رقم ثري بقى .... و هي مهمه جدا جدا جدا .....

و هقولها بعدين .... :P

اوعى تفكر said...

ماشاء اله اسلوبك حلو جدا
ساعات بيبقى الصمت افضل من الكلام مليون مره

كاتب مصري said...

بصراحة لم أقرأ البوست جيدا لمني نظرت عليه عامة.. يبدو كلاما رائقا لي لذلك سأعود لقرائته حتما ومؤكد ذلك ولكني الآن في عجل فأحببت فقط دعوتك دعوة خاصة مع باقة فل وياسمين لزيارة مدونتي وترك لمساتك هناك فذلك يشرفني
أنتظر الزيارة والتعليق إن أهجبك شيئ هناك
تحيتي
مدونتي هنا
http://kanyatklam.blogspot.com/

الأستاذ said...

السلام عليكم
الوحيدة اللي لما بغيب أرجع ألاقيها فنانة أكتر من الأول
ياااه على صدق الحوار إن مكانش واقعي بجد ؟
لكن تظل التساؤلات مطروحة وحولها هالة من الإجابات الغامضة التي لا تستطيع التبرير أكثر من الإجابة النموذجية الموجودة بداخل من يسأل
حبة تهييس من أثر أخبار الثانوية العامة الله يحرقها
سيبك من أي شئ يعوقك واعرفي إنك أحسن مما يقال
خلي عندك ثقة لا متناهية في نفسك ولكن من غير غرور
أتمني لك السعادة والنجاح
تحياتي

ADAM said...

السلام عليكم

مش عارف

مش

اتكررت

بما يوحي بإنك شرقاوية

هل ظني صحيح ؟

ظل الشمس said...

prince4ever
شكرا جدا على الزيارة وزيارتى هاتبقى قريبة ان شاء الله واعذرنى على التأخير

ظل الشمس said...

hany yassin
الله يكرم حضرتك بجد
وشهادتك اعتز بيها جدا واتمنى دايما تشرفنى

ظل الشمس said...

mostafarayan
الصمت بقى اسلوب حياة
تحياتى ليك

ظل الشمس said...

الفارس الملثم
عندك حق يا محمد
ابقى طمنى عنك ايه الغيبة الطويلة دى
يارب تكون بخير

ظل الشمس said...

anonyomous

نورت..

ظل الشمس said...

funky doctor

ربنا يسلم امورنا كلنا
نورت وشرفتنى زيارتك ومعجبة جدا بالبلوج بتاعتك على فكرة

ظل الشمس said...

ghoneem

حقيقى يسعدنى جدا اطرائك وان حضرتك راضى عن البوست مش زى بوست اسكندرية :)

يارب دايما مشرفنى بزياراتك

ظل الشمس said...

Whispers just for a Night

ربنا يوفقك فى دعوتك

ظل الشمس said...

mr.fox

يا ابنى انت دايما ظالم نفسك كدا؟
مين قال انك رغاى على ال فاضى؟
قريت الثرى ايليمينتس اند جوت يور ايديا
:)
ومتفقة معاك
بس تعرف
احيانا بتكون الديراة اللى احنا عايشين فيها فوق مستوى استيعابنا
يعنى نبقى بنتفرج على اللى بيحصل وبنبص ببله وعته كاننا بنشوف فيلك كارتون
انت عارف انا بحب الكارتون :)))

ظل الشمس said...

اوعى تفكر

نورتنى وعندك حق
بس اوعى افكر ليه؟:)

ظل الشمس said...

كاتب مصرى
فى انتظار عودتك وانتظر زيارتى

ظل الشمس said...

الاستاذ
حقيقى باستنى زيارتك ورأيك فى كل بوست
والمرة دى الغيبة طولت ويارب المانع خير
دايما رافع من روحى المعدنية كدا :))

ظل الشمس said...

ادم

يعنى ايه مش اتكررت
؟
ومش شرقاوية بلوج سبوت كلها عارفة انى اسكندرانية:))

نورتنى ^_^

ADAM said...

صديقتي العزيزة

مش تقولي

انت مش تقولي

أن تسبق لفظة مش الكلام

هذا في لهجة أهل الشرقية الكرام

وأنا لم يحالفني الحظ

ويسعدني القدر

بأن أعرف أنك

أشهر مدونة على بلوج سبوت

وأن الكل يعرف أنك اسكندرانية

وأنا الوحيد الجهول الذي اختبأت عني

شمس الحق والحقيقة

وغفلت

وجهلت أنك من مدينة السماء المباركة

الإسكندرية


تحياتي

آدم

ظل الشمس said...

اولا شكرا لتكرار الزيارة دا يشرفنى
ثانيا انا مش اشهر حد فى بلوج سبوت ولا حاجة العفو انا لسة باحبى وممكن فى اى وقت اتوقف عن الحبو
:))
كل الحكاية انى عملت بوست عن اسكندرية والصيف زعل بعضهم منى وفضلت فترة احاول اشرح وجهة نظرى فزوارى عرفوا دا
وعموما اتشرفت بيك
بالتوفيق:))