Wednesday, March 14, 2007

من اولها كده

ايوة ظل الشمس
غريبة يعنى ولا غريبة؟
وعلى العموم لو مستغرب الاسم ومش عاجبك وحاتحسسنا انك بتتعامل مع ناس من كوكب بلوتو يا عم قولى الاول هو
ايه اللى فى دنيتنا دلوقتى مش غريب؟
قولى طيب .........................هو انت نفسك مش غريب؟؟؟
اضحك عليا بقى وقولى انا طبيعى ومش غريب وزيى زى اللى حواليا
اقولك ان بقا,.... ومين قالك ان اللى حواليك ناس عادية ومش غريبة
على العموم وعلى اى حال كل الرغى ده كان عشان محدش يستغرب اسم البيت بتاعى
ايوة ده بيتى ولو حانتكلم جد بقى ونكشر كده حانقول ان بمنتهى البساطة انا عملت بيتى فى ظل الشمس
يمكن لان الشمس اصلا من غير ظل ودايما عشان تنورنا بتحرقنا بنورها
بس انا بقى حبيت اختار بيتى فى مكان انا بحبه حتى لو مش موجود
الشمس اللى بظلها بتنور حتى لو كانت شمس من خيالى انا لوحدى
وظل الشمس اللى بيدفى حتى لو كان ظل شمس بتاعتى انا لوحدى
حاقول كل اللى عايزة اقوله من غير ما حد يدينى لا اوامر ولا نواهى ولا يقولى ايه صالح للنشر وايه اللى مش صالح للنشر
وسلامات يا مصر

16 comments:

Anonymous said...

ايه الكلام الكبير ده هههههه
ان شاء الله تكون مدونة مفيدة للجميع يا شهد وربنا يوفقك

Mohammed2050 said...

بصراحه اول ما قرأت الاسم مفكرتش فيه
بس اتضح انه مش اسم كده و خلاص
ده اسم له معنى

منظرين مدونة رائعه من ظل الشمس

الملاح التائه said...

الزميلة العزيزه شهد
من قال ان ظل الشمس شئ غريب
هل لابد أن يكون الإستظلال من الشمس وليس بها
كلنا ياعزيزتى نستظل بتلك الشمس
مانحة الجمال للطبيعة
وما نتمناه أن تمنح ظل شمسك عقولنا إمتاعا عقليا وإضافات جميله
وفى انتظار المزيد

واحـــد مـــــن الـنـــاس said...

ازيك يا شهد
انتي فين يا بنتي

من ساعة ضل الشمس

ومفيش جديد

لعل المانع خيرا ؟

ITHat said...

ده تاني تعليق احطه اصلي مش لاقي التعليق الاول

عموما الف مبروك علي البلوج و ربنا يجعله قدم الخير و النجاح عليكي ان شاء الله ..
و الله ينور علكي انا كمان علي فكره كنت عامل بلوج بس مش فاكر اسمه ايه ..
وبااااااااااااااااي

Anonymous said...

ليس كل شئ بهذا السوء ..فالشمس اخيرا تعطينا الياء .. حتى لو احترقنا ببعض حرارتها ..

دعينا نحاول ..

اتمنى لو شرفتى موقعى ..إن كان فلا تنسى ان تقولى كلمة .. أو رأيك على موقع التصويت

أشكرك

ظل الشمس said...

كريم يوسف
نورت البلوج كلها
والبلوجات اللى جنبها كمان

ظل الشمس said...

محمد 2025
منور البلوج اللى مش اسم كده وخلاص
ومستنية حضورك دايما

ظل الشمس said...

الملاح التائه

كلماتك بعثت فى نفسى الكثير من الامل

ظل الشمس said...

واحد من الناس

والله يا على المانع مكانش خير اوى
بس يلا الحمد لله

ظل الشمس said...

ithat منور البلوج بالتعليقين بتوعك وبوجودك من غير اى تعليق حتى

ظل الشمس said...

شريف

يمكن مش بهذا السؤ
متهيألى اسوأ كمان شوية
lolololol


منور البلوج كلها
وتمت الزيارة اكيييييييييد

موجة said...

مقال جميل
فكرتة جيدة
بس كنت قلت الغدا احسن
هههههههههههه
اصل الفطار بتاع كل الناس واحد لكن الغدا اللي ممكن يتراوح
تحياتي

موجة said...

انتي مسمياها ضل الشمس
رغم انك مش محتفظة بظزل الشمس
وواضح انك جريئة و مش خايفة من الشمس
و لا من حرارة الشمس
أحييك
ربنا يحفظك مما وراء الشمس
ههههههههههههه
خالص تحياتي

ا لـعـبـد لـلــه said...

بجد المدونه ظريفه ودمها خفيف ومواضيعها جميله هي ناقصها بس شوية تنظيم او اهتمام زي ماتحبي وياريت تزوري مدونتي الجديده لاني لسه شاريها ايجار قديم وعاوز الرجل تاخد عليها ...وينوبك ثواب برده

Yasser Elgohary said...

بسم الله الرحمن الرحيم
نفتتح المدونة :))